“Ля вытокаў пісьменства”

У рамках Тыдня беларускага пісьменства і друку ў раённай бібліятэцы прайшла асветніцкая гадзіна “Ля вытокаў пісьменства”. Удзельнікамі  мерапрыемства сталі вучні 9А класа. Вучні даведаліся шмат цікавага пра гісторыю станаўлення і развіцця беларускага пісьменства, кнігадрукавання, пра выдатных беларускіх асветнікаў. Таксама яны пазнаёміліся з традыцыяй святкавання Дня беларускага пісьменства ў Беларусі. Даведаліся, што за час правядзення свята набыло агульнанацыянальны статус, стала значнай падзеяй у культурным жыцці краіны, і ў 2023 годзе святочныя мерапрыемствы прайшлі ў г.Гарадок Віцебскай вобласці. Сваю эрудыцыю ўдзельнікі змаглі прадэманстраваць, адказваючы на пытанні віктарыны.